نفسي بجد !

ايوا نفسي فعلا حد يشلني زي العيال الصغيرة 
ويحدفني لفوق 
واخاف
ويلقفني
واضحك بصوت عالي 


ساعتها هاضحك من قلبي اني موقعتش بجد 
وانه مسبنيش بجد
وانه عرف يلقفني كويس
واطمن اني مهما طلعت لفوق ، والدنيا شدتني لتحت
هلاقي الايد اللي تلحقني 
هلاقي حد ميسبنيش لحد ما اتكسر عشان ياخد باله انه لازم يبقى موجود !


ايوا نفسي حد يحكيلي حدوتة زي العيال الصغيرة 
وفي الاخر الشاطر حسن يتجوز الأميرة 


ساعتها هاتطمن من قلبي ان الدنيا لسه مبتفرقش حد !




ايوا نفسي امي تاخدني في حضنها زي العيال الصغيرة 
وتضمني 
وابقى اصغر منها
ساعتها بس هاحس باماان من قلبي 


ان لسه في حضن كبير بيسعني 
وان الدنيا مش هتضيق بحد !


ايوا نفسي كل حاجة في الدنيا تبقى حلوة 
والحرب تبقى بمسدسات المية 
والضرب يبقى بعصيان بلاستك 
والعسكر يجري ورا الحرامية 


نفسي اقدر ارسم العالم تاني في ورقة 
الون الأرض بالأخضر 
والسما بالأزرق
والناس بالبني 


مكنش في رمادي في ألواني 
ولا كان في رسم بالهوا 


ايوا نفسي اصدق ان ابن الجيران بيندهلي عشان العب معاه بالكورة
وصحابي بيحبوني عشان انا بحبهم ومش بزعل حد
وعشان انا مؤدبة وطيبة


وان عمو " اي عمو " زي بابا


نفسي اصدق ان حد زي حد 
يمكن وقتها افرح بجد !

:)

ماذا املك منك سوى لا شيء ؟

أخبرني إذا عما املك كي احفظ واحتفظ

هل يمكنني ان اخبيء صورتك تحت الغطاء كي لا يراها احد

كي لا يراها الله ! 

هل يمكنني ان القاك وقتما شئت لا كما يُراد ؟

كنت أحب كل شيء لأنه منك .. واحبني لأني منك 

ما اقسى ان يسفه احد احلامك .. احلامك به ! 

اترى الآن موقع الصورة خاليا أكثر نضوجا وعقلا وتعقلا وثراء ؟

أتستطيع ان تفهم الآن ماذا كانت تعني لي ؟

اتستطيع ان تفهم الآن ماذا أصبحت تعني لي ؟

اتستطيع ان تفهم الآن كم انا حزينة حقا 

أمازال يعنيك هذا ؟

لأنك نسيت بالامس مثل العام الماضي 

وكل امس مثل العام الماضي 

كم كنت تقدرني وقتها 

وتقدر ان الموت يستحق الحب أكثر 

لأنني قولت يوما 

انني مثله لا أحب الانتظار

لكنك فيما يبدو نسيت 

وفيما يبدو انك تراني الآن اكثر حماقة 

واقل مما اثير اهتمامك 

فانا فتاة تهتم بورق يرميه الجميع في قمامتهم دون اكتراث

وتحزن كثيرا عندما تعظم اسمها

لأنها تدرك ان التعظيم حاجزا جديدا تبنيه 

لأنها اصبحت تبغض الحواجز مثلما اصبحت انت تكره الموت !