الواحد من أول يوم جمعة الغضب وهو بيحاول يمسك اعصابه
وميفقدش حد من المقربين ليه وأصدقاءه واقاربه بسبب الأحداث
وبسبب الناس اللي الخلاف عندها طولة لسان واستفزاز للطرف التاني
فرجاء لو الواحد معرفش يمسك اعصابه اعذرونا كدا
زي ما بتعذروا مبارك وجهاز أمنه وبطء الجيش في تنفيذ المطالب
وان من حقه بردو اما حد يستفزه يضربه بهراوات وعصي كهربائية ..
من حقنا بردو نعمل ريموف ونقطع علاقتنا بافراد
ونبطل نحترم ناس كنا بنحترمهم احنا بردو لينا طاقة !
من حقنا منقدرش لسانا يجي على لسان فرد بيدين للولاء لسه للحزب الوطني
من حقنا نتعصب ونخرج عن شعورنا اما حد يتهمنا بالتهور واننا شباب فاضي
"بردو يعني رغم كل اللي حصل ورغم انهم كانوا بيغنولنا اما مبارك اتنحى "
اعتبروني حبيب عادلي
وفككوا من الناس اللي هعملهم ريموف
وحاسبوني على الاستيتس المتجاوزة
عشان مش هتلاقوا حاجة
هاولع في البروفايل وانا ماشية
أعتبروني احمد شفيق
وعدتكم النهاردة اني هاحترمكم واحافظ على امنكم
وكل يوم بثبت اني لا بحترمكم
ولا بحافظ على امنكم
اعتبروني اي حاجة غير اني طوبة معندهاش احساس
او سفنجة هتمتص كل حاجة
اعتبروني رصاصة طايشة خرجت من ظابط
فموتت واحد
قدره ، الظابط ملوش ذنب
انا كمان مليش ذنب
أعتبروني من الشعب الغلبان الضعيف
اللي الاخوان هيسرقوا ثورته
ومن حقه يشتم ويلعن في الاخوان
ارجوكم يا " كل المستفزين" لو فتحتوا في يوم الاكونت بتاعكم ملاقيتوش اسمي في الهوم بيدج
وعملتوا سيرش ملاقتونيش بردو
وعرفتوا بذكائكم المعهود ان اتعملكم ريموف او بلوك
أعذروني لو كلمتوني في يوم ولاقيتوا محدش بيرد
اعذروني لو اكتشفتوا اني اتغيرت معاكم
لو اكتشفتوا ان طريقنا مش واحد
لو اكتشفتوا اني مش بحترم اللي مش بيحترم مشاعر الناس
لو اكتشفتوا ان لساني بيطول مع اللي لسانه طويل
اعذروني .. مقدرش استحمل 30 يوم استفزاز
دا ظابط الشرطة ما بيستحملش 4 ايام
انا اللي هاقدر يعني ؟
لا هما ستفزين حتى النهاية ، وهايتعبروا انك انتى اللى غلطانة لانك مش بتحترمى الاراء المخالفة ..على أساس ان فى الحاجات دى كل واحد يقول رايه وكل حاجة تمام ..
ردحذفالمشكلة ان الموضوع حق وباطل ..يا أبيض يا أسود
يا أنتا يمين يا شمال ومش هاتعرف تيجى فى النص !